ថ្ងៃទី​២៧​-​២៨ ខែឧសភា ឆ្នាំ​២០២៤ ​លោកស្រី សន សុភាវត្តី អគ្គ​នាយក​រង នៃ​អគ្គ​នាយកដ្ឋាន​ភស្តុភារ​កម្ម បាន​ដឹកនាំ​មន្ត្រី​ចំណុះ អគ្គ​នាយកដ្ឋាន​ភស្តុភារ​កម្ម ចុះ​បេសកម្ម​ប្រមូល​ទិន្នន័យ​ពាក់ព័ន្ធ​នឹង​វិស័យ​ភស្តុភារ​កម្ម​ជាមួយ​ស្ថាប័ន​-​អង្គភាព​ជំនាញ​ទាំង​វិស័យ​រដ្ឋ និង​វិស័យ​ឯកជន នៅ​ខេត្ត​បាត់ដំបង និង​ខេត្ត​ប៉ៃលិន ស្តីពី​វឌ្ឍនភាព​នៃ​ការអនុវត្ត​ផែនការ​មេ​គ្រប់​ជ្រុងជ្រោយ​ស្តីពី ប្រព័ន្ធ​ដឹកជញ្ជូន​អន្តរមធ្យោបាយ និង​ភស្តុភារ​កម្ម​ ២០២៣​-​២០៣៣​។


**ថ្ងៃទី​២៦ ខែឧសភា ឆ្នាំ​២០២៤**


- បាន​ចុះ​ពិនិត្យ និង​ស្វែងយល់​អំពី​ស្ថានភាព​ប្រតិបត្តិការ ដឹក​ទំនិញ និង​អ្នកដំណើរ​របស់​ស្ថានីយ៍​រថភ្លើង​បាត់ដំបង ស្ថិត​នៅ​ក្រុង​បាត់ដំបង​។


**ថ្ងៃទី​២៧ ខែឧសភា ឆ្នាំ​២០២៤**


- កិច្ចប្រជុំ​ពិភាក្សា​ជាមួយ ឯកឧត្តម សឿម ប៊ុន​រិទ្ធិ អភិបាល​រង​ខេត្ត​បាត់ដំបង អាជ្ញាធរ និង​មន្ទីរ​ជំនាញ​ពាក់ព័ន្ធ ដើម្បី​ស្នើសុំ​ព័ត៌មាន​ទិន្នន័យ​អំពី​ចំនួន និង​ទីតាំង​ឃ្លាំង​ស្តុក​ទំនិញ​, រោងចក្រ, រោង​ម៉ាស៊ីន​កិន​ស្រូវ​, ស្ថានីយ​ប្រេងឥន្ធនៈ​, ក្រុមហ៊ុន​ដឹកជញ្ជូន​ទំនិញ ចំនួន​អ្នកដំណើរ​ក្នុង​ខេត្ត​, ផលិតផល​ដែល​មាន​សក្តានុពល​ក្នុង​ខេត្ត និង​តំបន់​គោលដៅ​អភិវឌ្ឍន៍​ក្នុង​ខេត្ត ដើម្បី​ជា​មូលដ្ឋាន​ក្នុង​ការរៀបចំ​ផែនការ​អភិវឌ្ឍន៍​ឡូជី​ស្ទីក​ឱ្យ​ស្រប​តាម​តម្រូវការ​ជាក់ស្តែង​។

- បាន​ចុះ​ពិនិត្យ និង​សិក្សា​ពី​និន្នាការ​ក្នុង​ការប្រើប្រាស់​ផ្លូវ​ដែក​សម្រាប់​ការដឹកជញ្ជូន​ទំនិញ ព្រមទាំង​ស្វែងយល់​ពី​ប្រតិបត្តិការ​របស់​រោង​ម៉ាស៊ីន​កិន​ស្រូវ​ធំ​ៗ​មួយចំនួន​ដូច​ជា៖
	1. រោង​ម៉ាស៊ីន​កិន​ស្រូវ​បៃតង (​កម្ពុជា​) ភី​អិល​ស៊ី (​ភូ ​ពុយ​) ស្ថិត​នៅ​សង្កាត់​អូចារ ក្រុង​បាត់ដំបង ខេត្ត​បាត់ដំបង
	1. ​រោង​ម៉ាស៊ីន​កិន​ស្រូវ ហ្គោល​ដិន ដូន​កែវ រ៉ាយស៍ មីល ស្ថិត​នៅ​អូរ​តាគី ស្រុក​ថ្មគោល ខេត្ត​បាត់ដំបង
	1. រោង​ម៉ាស៊ីន​កិន​ស្រូវ ឡាយ សែ ​(City Rice) ស្ថិត​នៅ​ឃុំ​តា​ពូង ស្រុក​ថ្មគោល ខេត្ត​បាត់ដំបង


**ថ្ងៃទី​២៨ ខែឧសភា ឆ្នាំ​២០២៤**


- បាន​ចុះ​ពិនិត្យ និង​ជួបប្រជុំ​ជាមួយ ក្រុមហ៊ុន ស៊ី​-​អេចដ្រាយ​ផត និង ឡូជី​ស្ទីក (C​.​H Dry Port & Logistics) ដែល​ជា​ផែ​ស្ងួត​តែ​០១​គត់ (​ផែ​ស្ងួត ឡោ ស៊ុន​ជាង​) មាន​ទីតាំង​ស្ថិត​នៅ​ខេត្ត​ប៉ៃលិន ដើម្បី​ស្វែងយល់​ពី​ប្រតិបត្តិការ​ប្រចាំ​ថ្ងៃ បញ្ហា​ប្រឈម និង​សំណូមពរ​នានា​។

large_GDL_1872.JPG

medium_GDL_1872.JPG

small_GDL_1872.JPG

thumbnail_GDL_1872.JPG

GDL_1872.JPG

បេសកម្ម​ប្រមូល​ទិន្នន័យ​ពាក់ព័ន្ធ​នឹង​វិស័យ​ភស្តុភារ​កម្ម​ជាមួយ​ស្ថាប័ន​-​អង្គភាព​ជំនាញ​ទាំង​វិស័យ​រដ្ឋ និង​វិស័យ​ឯកជន នៅ​ខេត្ត​បាត់ដំបង និង​ខេត្ត​ប៉ៃលិន

Mission to collect data related to the logistics sector in both public and private sectors in Battambang and Pailin provinces

ទីស្ដីការ​ក្រសួង៖ ថ្ងៃព្រហស្បតិ៍ ទី​៧ ខែមីនា ឆ្នាំ​២០២៤ ​លោកជំទាវ កុយ សុដានី រដ្ឋលេខាធិការ​ប្រចាំ​ការ ក្រសួង​សាធារណការ និង​ដឹកជញ្ជូន និង​ជា​ប្រធាន​គណៈកម្មការ​ចម្រុះ​សម្រាប់​សម្របសម្រួល​ការអនុវត្ត​គម្រោង​ស្តីពី​ការពង្រឹង​សមត្ថភាព​ក្នុង​ការសម្របសម្រួល​សម្រាប់​ការធ្វើឱ្យ​ប្រសើរឡើង​នូវ​ប្រព័ន្ធ​ភស្តុភារ​កម្ម​កម្ពុជា ជំហាន​ទី​៣ (JCC-PhaseIII) និង​លោក Tanaka Yukinari ប្រធាន​បេសកកម្ម​នៃ​ស្នាក់ការ​កណ្ដាល​ទីភ្នាក់ងារ​សហប្រតិបត្តិការ​អន្តរជាតិ​នៃ​ប្រទេស​ជប៉ុន (JICA) បាន​អញ្ជើញ​ជា​សហ​ប្រធាន​ដឹកនាំ​កិច្ចប្រជុំ​លើក​ទី​១ របស់​គណៈកម្មការ​ចម្រុះ​សម្រាប់​សម្របសម្រួល (JCC) អន្តរ​ក្រសួង ដើម្បី​ពិនិត្យ​ដំណើរការ​នៃ​ការអនុវត្ត​គម្រោង​ស្តីពី​ការពង្រឹង​សមត្ថភាព​សម្របសម្រួល​សម្រាប់​ការធ្វើឱ្យ​ប្រសើរឡើង​នូវ​ប្រព័ន្ធ​ភស្តុភារ​កម្ម​កម្ពុជា សម្រាប់​ជំហាន​ទី​៣ ក្នុង​គោលបំណង​ធ្វើឱ្យ​ប្រសើរឡើង​នូវ​ចរាចរណ៍​ឆ្លងកាត់​ព្រំដែន និង​ការដឹកជញ្ជូន​តាម​ផ្លូវគោក ផ្លូវ​ដែក និង​ផ្លូវ​ទឹក ដោយ​មាន​សមាសភាព​គណៈកម្មការ​គម្រោង ដែល​មាន​ការចូលរួម​សរុប​ចំនួន​ ៧០​រូប​។


លោកជំទាវ​រដ្ឋលេខាធិការ​ប្រចាំ​ការ បាន​ជម្រាប​ជូន​អង្គប្រជុំ​ស្តីពី​វឌ្ឍនភាព​ការងារ​គម្រោង​ធ្វើឱ្យ​ប្រសើរ​ប្រព័ន្ធ​ភស្តុភារ​កម្ម​កម្ពុជា ដែល​មាន​០៣​ដំណាក់កាល៖ ដំណាក់កាល​ទី​០១ បាន​ចាប់ផ្ដើម​អនុវត្ត​ពី​ឆ្នាំ​២០១៨ ដល់ ដើម​ឆ្នាំ​២០២០​, ដំណាក់កាល​ទី​២ បាន​អនុវត្ត​ពី​ចុង​ឆ្នាំ​២០២០ ដល់ ឆ្នាំ​២០២៣ និង​ដំណាក់​ទី​៣ គ្រោង​អនុវត្ត​រយៈពេល ០៣​ឆ្នាំ គិត​ចាប់ពី​ដើម​ឆ្នាំ​២០២៤ រហូតដល់ ឆ្នាំ​២០២៧​។


អង្គប្រជុំ​បាន​ផ្តោត​ការពិភាក្សា​លម្អិត​លើ​ផែនការ​សកម្មភាព​អនុវត្ត​គម្រោង​ទាំង​ផ្នែក​ទន់ និង​ផ្នែក​រឹង (Soft&Hard) រួម​ជាមួយ​ការតាមដាន​ការអនុវត្ត​គម្រោង​ជាច្រើន ក្នុង​ផែនការ​មេ​គ្រប់​ជ្រុងជ្រោយ​ស្ដីពី​ប្រព័ន្ធ​ដឹកជញ្ជូន​អន្តរមធ្យោបាយ និង​ភស្តុភារ​កម្ម​កម្ពុជា ២០២៣​-​២០៣៣ (CITLS-MP) ដែល​រាជ​រដ្ឋាភិបាល​បាន​អនុម័ត​កាល​ទី​២ ​ខែសីហា ឆ្នាំ​២០២៣ កន្លងទៅ​។ គម្រោង​នេះ​មាន​គោលបំណង​សំខាន់​ៗ រួមមាន៖ (​១​) ការរៀបចំ​ផែនការ និង​ការវិភាគ​ដោយ​ផ្អែក​លើ​ទិន្នន័យ​ភស្តុភារ​កម្ម​កម្ពុជា ការតាមដាន​របាយការណ៍​ភស្តុភារ​កម្ម​ប្រចាំ​ឆ្នាំ និង​ការតាមដាន​ការអនុវត្ត​គោលនយោបាយ​លើ​ការដឹកជញ្ជូន និង​ភស្តុភារ​កម្ម វឌ្ឍនភាព​ការអនុវត្ត​ផែនការ​មេ​គ្រប់​ជ្រុងជ្រោយ​ស្ដីពី​ប្រព័ន្ធ​ដឹកជញ្ជូន​អន្តរមធ្យោបាយ និង​ភស្តុភារ​កម្ម​កម្ពុជា ២០២៣​-​២០៣៣ (CITLS-MP) (​២​) ការធ្វើឱ្យ​ប្រសើរឡើង​នូវ​ការគ្រប់គ្រង​ការដឹកជញ្ជូន​ទំនិញ តាម​ផ្លូវគោក​និង​ផ្លូវ​រថភ្លើង ការរៀបចំ​បទដ្ឋាន​គតិយុត្ត​ពាក់ព័ន្ធ និង​ការដឹកជញ្ជូន​ទំនិញ​គ្រោះថ្នាក់ និង (​៣​) ការសម្របសម្រួល​ចរាចរណ៍​ឆ្លងកាត់​ព្រំដែន​តាម​ផ្លូវគោក ផ្លូវ​ទឹក និង​ផ្លូវ​ដែក​ ។ ​គម្រោង​មាន​រយៈពេល​អនុវត្ត​ចំនួន ០៣​ឆ្នាំ (២០២៤​- ២០២៧​)​។


បន្ទាប់ពី​កិច្ចពិភាក្សា​អង្គប្រជុំ​បាន​សំណូមពរ (​១​) ស្នើសុំ​ឱ្យ​មាន​ការសិក្សា​បឋម​ស្តីពី​ការសាងសង់​ស្ថានីយ​រថភ្លើង​អន្តរជាតិ​នៅ​ស្ទឹង​បត់ (​២​) សិក្សា​រៀបចំ​ជា​គោលនយោបាយ​មជ្ឈមណ្ឌល​ភស្តុភារ​កម្ម​ប្រចាំ​តំបន់ (​៣​) បន្ត​ពង្រឹង​សមត្ថភាព​មន្ត្រី​ក្នុង​វិស័យ​ភស្តុភារ​កម្ម ។


បន្ថែម​ពីលើ​នេះ លោកជំទាវ​រដ្ឋលេខាធិការ​ប្រចាំ​ការ ជំរុញ​ឱ្យ​ក្រុម​ការងារ​ទាំងអស់​បន្ត​កិច្ចសហការ​បន្ថែម​ទៀត​ដើម្បី​ជំរុញ​ការអនុវត្ត​គម្រោង​ឱ្យ​ទទួលបាន​ជោគជ័យ សំដៅ​លើកកម្ពស់​និង​ធ្វើឱ្យ​ប្រសើរឡើង​នូវ​វិស័យ​ដឹកជញ្ជូន និង​ភស្ដុ​ភារកម្ម​កម្ពុជា​ឱ្យ​កាន់តែ​មាន​ភាពរីកចម្រើន​ថែម​ទៀត​៕

Photos of the Meeting

large_428697951_723391163305214_5496237509809817676_n.jpg

medium_428697951_723391163305214_5496237509809817676_n.jpg

small_428697951_723391163305214_5496237509809817676_n.jpg

thumbnail_428697951_723391163305214_5496237509809817676_n.jpg

428697951_723391163305214_5496237509809817676_n.jpg

កិច្ចប្រជុំលើកទី១ នៃគណៈកម្មការចម្រុះសម្រាប់សម្របសម្រួលការអនុវត្តគម្រោងស្តីពីការពង្រឹងសមត្ថភាពក្នុងការសម្របសម្រួលសម្រាប់ការធ្វើឱ្យប្រសើរឡើងនូវប្រព័ន្ធភស្តុភារកម្មកម្ពុជា

1st Meeting of Joint Coordination Committee of The Project for Strengthening Facilitation Capacity for Logistics Improvement in Cambodia

ក្រុមប្រឹក្សា​អភិវឌ្ឍន៍​កម្ពុជា៖ នា​ព្រឹក​ថ្ងៃអង្គារ ទី​២០ ខែកុម្ភៈ ឆ្នាំ​២០២៤ ឯកឧត្តម ស៊ុន ចាន់​ថុល ឧប​នាយក​រដ្ឋមន្ត្រី អនុ​ប្រធាន​ទី​១​ក្រុមប្រឹក្សា​អភិវឌ្ឍន៍​កម្ពុជា និង​ជា​ប្រធាន​ក្រុមប្រឹក្សា​ជាតិ​ភស្ដុភារកម្ម បាន​អញ្ជើញ​ដឹកនាំ​កិច្ចប្រជុំ​លើក​ទី​៤ នៃ​ក្រុមប្រឹក្សា​ជាតិ​ភស្ដុភារកម្ម​។ ក្នុង​កិច្ចប្រជុំ​នេះ​ក៏​មាន​ការចូលរួម​ផងដែរ​ពី រដ្ឋមន្ត្រី​ក្រសួង​សាធារណការ និង​ដឹកជញ្ជូន រដ្ឋមន្ត្រី​ក្រសួង​ពាណិជ្ជកម្ម រដ្ឋមន្ត្រី​ក្រសួង​ផែនការ ឯកឧត្តម លោកជំទាវ អ្នក​ឧកញ៉ា ឧកញ៉ា មន្ត្រី​បច្ចេកទេស​ក្រសួង​-​ស្ថាប័ន​ពាក់ព័ន្ធ និង​តំណាង​ស្ថាប័ន​ឯកជន​សរុប​ប្រមាណ​ ២០០​រូប​។

កិច្ចប្រជុំ​នា​ឱកាស​នេះ​ត្រូវបាន​រៀបចំឡើង​ក្នុង​គោលបំណង​ដើម្បី​ពិនិត្យ​ពិភាក្សា​លើ​របៀបវារៈ​ចំនួន​៤​រួមមា​ន៖

១​)​. វឌ្ឍនភាព​ការងារ​របស់​គណៈកម្មាធិការ​ជាតិ​ភស្តុភារ​កម្ម

២​)​. វឌ្ឍនភាព​ផែនការ​មេ​គ្រប់​ជ្រុងជ្រោយ​ស្ដីពី​ប្រព័ន្ធ​ដឹកជញ្ជូន​អន្តរមធ្យោបាយ និង​ភស្ដុ​ភារកម្ម​កម្ពុជា ២០២៣​-​២០៣៣ (Comprehensive Masterplan on Intermodal Transport Connectivity and Logistics System in Cambodia 2023-2033_CITLS)

៣​)​. វឌ្ឍនភាព​គម្រោង​នៃ​ការអភិវឌ្ឍ​មជ្ឈមណ្ឌល​ភស្តុភារ​កម្ម​ភ្នំពេញ

៤​)​. វឌ្ឍនភាព​គម្រោង​នៃ​ការអភិវឌ្ឍ​មជ្ឈមណ្ឌល​ភស្តុភារ​កម្ម​ក្រុង​ព្រះសីហនុ​។


ផែនការ​មេ​គ្រប់​ជ្រុងជ្រោយ​ស្ដីពី​ប្រព័ន្ធ​ដឹកជញ្ជូន​អន្តរមធ្យោបាយ និង​ភស្ដុ​ភារកម្ម​កម្ពុជា ២០២៣​-​២០៣៣ ត្រូវបាន​រាជ​រដ្ឋាភិបាល​កម្ពុជា​អនុម័ត​ដាក់​ឱ្យ​ប្រើប្រាស់​ជា​ផ្លូវការ​នៅ​ថ្ងៃទី​០២ ខែសីហា ឆ្នាំ​២០២៣ ក្នុង​នោះ​មាន​ផែនការ​មេ​ចំនួន​ ០៧ ​សំយោគ​បញ្ចូល​គ្នា​រួមមា​ន៖ ផ្លូវថ្នល់ ផ្លូវ​ដែក ផ្លូវ​ទឹក កំពង់ផែ ភស្តុភារ​កម្ម ផ្លូវ​អាកាស និង​ដឹកជញ្ជូន​អន្តរ​មធ្យោបាយ រួមគ្នា​មាន​ចំនួន ១៧៤​គម្រោង ទាំង​ផ្នែក​ទន់ និង​ផ្នែក​រឹង ជាមួយនឹង​ទឹកប្រាក់​វិនិយោគ​ប្រមាណ ៣៦,៦​ប៊ីលាន​ដុល្លារ​អាមេរិក​។
ថ្លែង​នៅក្នុង​អង្គ​ពិធី ឯកឧត្តម​ឧប​នាយក​រដ្ឋមន្ត្រី បាន​មានប្រសាសន៍​ស្នើសុំ​ទៅ​គ្រប់​ភាគី​ពាក់ព័ន្ធ​ទាំងអស់​ទាំង​ផ្នែក​រដ្ឋ និង​ឯកជន ចូលរួម​ផ្សព្វផ្សាយ​ឱ្យ​បាន​ទូលំទូលាយ អំពី​ផែនការ​មេ​គ្រប់​ជ្រុងជ្រោយ​ស្តីពី​ប្រព័ន្ធ​ដឹកជញ្ជូន​អន្តរមធ្យោបាយ និង​ភស្តុភារ​កម្ម​កម្ពុជា ២០២៣​-​២០៣៣ ដែល​ជា​ផែនការ​មេថ្នាក់​ជាតិ​ថ្មី​មួយ ដើម្បី​ជំរុញ​ឱ្យ​កម្ពុជា​អាច​ទាក់ទាញ​ការវិនិយោគ​ចូលមក​បាន​កាន់តែ​ច្រើន​បន្ថែម​ទៀត​។

ផែនការ​មេ​នេះ​មាន​ចក្ខុវិស័យ​ក្នុង​ការបន្ត​កែលម្អ និង​អភិវឌ្ឍន៍​ប្រព័ន្ធ​ដឹកជញ្ជូន និង​ឡូជី​ស្ទីក ដោយ​ផ្តោត​លើ​ការជំរុញ​ការកសាង​ហេដ្ឋារចនាសម្ព័ន្ធ​រូប​វន្ត និង​អរូប​វន្ត ឆ្ពោះ​ទៅរក​ការអភិវឌ្ឍ​ប្រព័ន្ធ​ដឹកជញ្ជូន​អន្តរមធ្យោបាយ មាន​ការតភ្ជាប់​ខ្ពស់ និង​ភាពប្រទាក់​ក្រឡា ទាំង​ផ្ទៃក្នុង​ប្រទេស និង​ជាមួយ​តំបន់ ដែល​នឹង​បន្ត​រួមចំណែក​ជំរុញ និង​ទ្រទ្រង់​កំណើន​សេដ្ឋកិច្ច​ជាតិ ព្រមទាំង​បំពេញ​សេចក្តីត្រូវការ​សង្គម​-​សេដ្ឋកិច្ច​ប្រកបដោយ​ចីរភាព និង​បរិយាប័ន្ន​។


Images

large_428707739_714295934214737_9069573846431947630_n.jpg

medium_428707739_714295934214737_9069573846431947630_n.jpg

small_428707739_714295934214737_9069573846431947630_n.jpg

thumbnail_428707739_714295934214737_9069573846431947630_n.jpg

428707739_714295934214737_9069573846431947630_n.jpg

កិច្ចប្រជុំលើកទី៤ នៃក្រុមប្រឹក្សាជាតិភស្ដុភារកម្ម 

4th National Logistics Council Meeting 

ទីស្ដីការ​ក្រសួង៖ នា​ព្រឹក​ថ្ងៃអង្គារ ទី​១២ ខែធ្នូ ឆ្នាំ​២០២៣ ​លោកស្រី សន សុភាវត្តី អគ្គ​នាយក​រង នៃ​អគ្គ​នាយកដ្ឋាន​ភស្តុភារ​កម្ម តំណាង ឯកឧត្តម ឈៀង ពេជ្រ អគ្គ​នាយក នៃ​អគ្គ​នាយកដ្ឋាន​ភស្តុភារ​កម្ម បាន​អញ្ជើញ​ដឹកនាំ កិច្ចប្រជុំ​ស្ដីពី ការរៀបចំ​ប្លង់ គោល​គំនិត​នៃ​រចនាសម្ព័ន្ធ​រូប​វន្ត​ច្រកទ្វារ​ព្រំដែន​អន្តរជាតិ​របស់ គម្រោង “​ផែនការ​មេ​គ្រប់ ជ្រុងជ្រោយ​នៃ​គម្រោង​កែលម្អ​ច្រកទ្វារ​ព្រំដែន​អន្តរជាតិ​ត្រពាំង​ស្រែ​”​។

កិច្ចប្រជុំ​នេះ​មាន​គោលបំណង ដើម្បី​បង្ហាញ​អំពី​លទ្ធផល​នៃ​ការសិក្សា​រៀបចំ​រចនាសម្ព័ន្ធ ដើម្បី​ទទួល​នូវ​ធាតុ​ចូល​ពី​ភាគី​ពាក់ព័ន្ធ សម្រាប់​ការរៀបចំ​ប្លង់​លំអិត នៃ​គម្រោង “​ផែនការ​មេ​គ្រប់ ជ្រុងជ្រោយ​នៃ​គម្រោង​កែលម្អ​ច្រកទ្វារ​ព្រំដែន​អន្តរជាតិ​ត្រពាំង​ស្រែ​”​។

សូម​បញ្ជាក់​ផងដែរ​ថា កិច្ចប្រជុំ​នេះ មាន​ការចូលរួម​ពី តំណាង​អគ្គ​នាយកដ្ឋាន​អន្តោប្រវេសន៍ តំណាង​អគ្គ​នាយកដ្ឋាន​គយ​និង​រដ្ឋាករ ប្រធាន​ស្នាក់ការច្រកទ្វារ​ព្រំដែន​អន្តរជាតិ​ត្រពាំង​ស្រែ ប្រធាន​នាយកដ្ឋាន និង​មន្ត្រី​បច្ចេកទេស​ចំណុះ​អគ្គ​នាយកដ្ឋាន​ភស្តុភារ​កម្ម ក្រុមការងារ​កូរ៉េ មកពី​ក្រុមហ៊ុន SAMOO​.​CM និង​ក្រុមហ៊ុន GEN Architecture​។

large_photo_2023-12-26_11-51-19.jpg

medium_photo_2023-12-26_11-51-19.jpg

small_photo_2023-12-26_11-51-19.jpg

thumbnail_photo_2023-12-26_11-51-19.jpg

photo_2023-12-26_11-51-19.jpg

កិច្ចប្រជុំ​ស្ដី​អំពី ការៀបចំ​ប្លង់ គោល​គំនិត​នៃ​រចនាសម្ព័ន្ធ​រូប​វន្ត​ច្រកទ្វារ​ព្រំដែន​អន្តរជាតិ​របស់ គម្រោង “​ផែនការ​មេ​គ្រប់ ជ្រុងជ្រោយ​នៃ​គម្រោង​កែលម្អ​ច្រកទ្វារ​ព្រំដែន​អន្តរជាតិ​ត្រពាំង​ស្រែ​”

Discussion on Basic and Conceptual Design on Project titled "Establishment of Comprehensive Plan of Cross-Border Checkpoint Facility at International Border Trapeang Srae"

សិក្ខាសាលា​ផ្សព្វផ្សាយ​សមិទ្ធផល​គម្រោង “​ការកសាង​សមត្ថភាព និង​ពង្រឹង​ស្ថាប័ន​ដើម្បី​រៀបចំ​ក្របខ័ណ្ឌ​ត្រួតពិនិត្យ និង​វាយតម្លៃ​វិស័យ​ភស្តុភារ​កម្ម និង​ទិន្នន័យ​ភស្តុភារកម្ម​នៅ​ប្រទេស​កម្ពុជា ព្រមទាំង​កិច្ចសហការ​រវាង​ប្រទេស​កម្ពុជា​-​ឡាវ​-​វៀតណាម​”
សៀមរាប៖ នា​ថ្ងៃពុធ ទី​៦ ខែធ្នូ ឆ្នាំ​២០២៣ ឯកឧត្តម ហេង​ ណន រដ្ឋលេខាធិការ តំណាង​ដ៏​ខ្ពង់ខ្ពស់ ឯកឧត្តម ប៉េង ​ពោធិ៍​នា រដ្ឋមន្រ្តី ក្រសួង​សាធារណការ និង​ដឹកជញ្ជូន បាន​អញ្ជើញ​ជា​អធិបតីភាព ក្នុង​សិក្ខាសាលា​ផ្សព្វផ្សាយ​សមិទ្ធផល​គម្រោង “​ការកសាង​សមត្ថភាព និង​ពង្រឹង​ស្ថាប័ន​ដើម្បី​រៀបចំ​ក្របខ័ណ្ឌ​ត្រួតពិនិត្យ និង​វាយតម្លៃ​វិស័យ​ភស្តុភារ​កម្ម និង​ទិន្នន័យ​ភស្តុភារកម្ម​នៅ​ប្រទេស​កម្ពុជា ព្រមទាំង​កិច្ចសហការ​រវាង​ប្រទេស​កម្ពុជា​-​ឡាវ​-​វៀតណាម​” ដោយ​មាន​ការចូលរួម​ពី​ថ្នាក់ដឹកនាំ មន្ត្រី​ជំនាញ​តំណាង​អង្គភាព​ពាក់ព័ន្ធ ក្រោម​ឱវាទ​ក្រសួង​សាធារណការ និង​ដឹកជញ្ជូន តំណាង​ក្រសួង​ការបរទេស និង​សហប្រតិបត្តិការ​អន្តរជាតិ និង​តំណាង​អង្គភាព​អនុវត្ត​គម្រោង​ពី​ប្រទេស​វៀតណាម និង​ឡាវ រួមទាំង​ទីប្រឹក្សា​ជាតិ​-​អន្តរជាតិ និង​វិស័យ​ឯកជន សរុប​ប្រមាណ ៥០​នាក់​។
សិក្ខាសាលា​នេះ ត្រូវបាន​រៀបចំឡើង​ក្នុង​គោលបំណ​ង៖ (​១​) ​ផ្សព្វផ្សាយ​សមិទ្ធផល​សំខាន់​ៗ​នៃ​ការអនុវត្ត​គម្រោង​ដល់​ក្រសួង ស្ថាប័ន អង្គភាព និង​ភាគី​ពាក់ព័ន្ធ ដែល​បាន​ចូលរួម​កិច្ចសហប្រតិបត្តិការ​ក្នុង​ការអនុវត្ត​គម្រោង​កន្លងមក (​២​) ចែករំលែក​នូវ​បទពិសោធន៍ និង​នវានុវត្ត​ក្នុង​ការអនុវត្ត​គម្រោង (​៣​) ពិភាក្សា​អំពី​ជំហាន​បន្ទាប់ ក្រោយពី​គម្រោង​ត្រូវបាន​បញ្ចប់​ (​៤​) ប្រកាស​បញ្ចប់​គម្រោង​ជា​ផ្លូវការ​។
គូសបញ្ជាក់​ផងដែរ​ថា គម្រោង​នេះ ជា​គម្រោង​ក្រោម​ជំនួយ​របស់​មូលនិធិ​សហប្រតិបត្តិការ​សាធារណរដ្ឋ​កូរ៉េ មេគង្គ (Mekong-ROK Cooperation Fund) ដែល​ត្រូវបាន​អនុវត្ត​រយៈពេល ៣​ឆ្នាំ ចាប់ពី​២០២០ ដល់ ឆ្នាំ​២០២៣ ក្នុង​គោលបំណង​ចម្បង ដើម្បី​ពង្រឹង​សមត្ថភាព​មន្ត្រីរាជការ ក្នុង​ការអភិវឌ្ឍ​មូលដ្ឋាន​ទិន្នន័យ​ភស្តុភារ​កម្ម និង​ក្របខ័ណ្ឌ​សម្រាប់​ការត្រួតពិនិត្យ និង​វាយតម្លៃ ក្នុង​តំបន់​មេគង្គ ជាពិសេស​ប្រទេស​កម្ពុជា ឡាវ និង​វៀតណាម រួមទាំង​បង្កើត​ឯកសារ​ណែនាំ និង​រៀបចំ​ប្រព័ន្ធ​មូលដ្ឋាន​ទិន្នន័យ​ភស្តុភារ​កម្ម (Central Logistics Database System) សម្រាប់​តំបន់​មេគង្គ​។


Photos of Workshop

large_1.jpg

medium_1.jpg

small_1.jpg

thumbnail_1.jpg

1.jpg

សិក្ខាសាលា​ផ្សព្វផ្សាយ​សមិទ្ធផល​គម្រោង “​ការកសាង​សមត្ថភាព និង​ពង្រឹង​ស្ថាប័ន​ដើម្បី​រៀបចំ​ក្របខ័ណ្ឌ​ត្រួតពិនិត្យ និង​វាយតម្លៃ​វិស័យ​ភស្តុភារ​កម្ម និង​ទិន្នន័យ​ភស្តុភារកម្ម​នៅ​ប្រទេស​កម្ពុជា ព្រមទាំង​កិច្ចសហការ​រវាង​ប្រទេស​កម្ពុជា​-​ឡាវ​-​វៀតណាម​”

Dissemination and Wrap-up Workshop of the Project on “Capacity Building and Institutional Strengthening for Logistics Monitoring and Evaluation Database Development in Cambodia and CLV countries” 

នៅ​ថ្ងៃទី​២ ខែធ្នូ ឆ្នាំ​២០២៣ ថ្នាក់ដឹកនាំ និង​មន្រ្តី​របស់​អគ្គ​នាយកដ្ឋាន​ភស្តុភារ​កម្ម ដឹកនាំ​ដោយ លោកស្រី សន សុភាវត្តី អគ្គ​នាយក​ស្តី​ទី និង​មន្រ្តី​ចំនួន​ ២​រូប គឺ​លោក សុក សម្បត្តិ និង​លោក ហាក់ ទូច បាន​ចូលរួម​សម្របសម្រួល​ជូន ឯកឧត្តម ហេង​ ណន រដ្ឋលេខាធិការ តំណាង​ដ៏​ខ្ពង់ខ្ពស់ ឯកឧត្តម ប៉េង ​ពោធិ៍​នា រដ្ឋមន្រ្តី​ក្រសួង​សាធារណការ និង​ដឹកជញ្ជូន ចូលរួម​ក្នុង​មហាសន្និបាត​ប្រចាំ​ឆ្នាំ​លើក​ទី​៣៣ របស់​សហព័ន្ធ​សមាគម​បញ្ជូន​ទំនិញ​អាស៊ាន AFFA (33rd AFFA Annual conference & General Meeting - AGM) នៅ​សណ្ឋាគារ​ណាហ្គារ​រើលដ៍​១ ក្រោម​អធិបតីភាព ឯកឧត្តម រស់ សីល​វ៉ា រដ្ឋលេខាធិការ តំណាង​ដ៏​ខ្ពង់ខ្ពស់ ឯកឧត្តម​អគ្គ​បណ្ឌិត​សភាចារ្យ អូន ព័ន្ធ​មុនីរ័ត្ន ឧប​នាយក​រដ្ឋមន្រ្តី រដ្ឋមន្រ្តី​ក្រសួង​សេដ្ឋកិច្ច និង​ហិរញ្ញវត្ថុ​។


មហាសន្និបាត​នេះ​ត្រូវបាន​រៀបចំឡើង​ដោយ សមាគម​ភស្តុភារ​កម្ម​កម្ពុជា ក្នុង​គោលបំណង​ដើម្បី​ពង្រឹង​កិច្ចសហប្រតិបត្តិការ​ពាណិជ្ជកម្ម​នៅក្នុង​តំបន់​អាស៊ាន ក៏​ដូចជា​អភិវឌ្ឍ​វិស័យ​ដឹកជញ្ជូន​នៅក្នុង​ប្រទេស​កម្ពុជា ឱ្យ​រីកចម្រើន​ដូច​ប្រទេស​ដទៃ​ទៀត​ក្នុង​តំបន់​អាស៊ាន និង​ពិភពលោក​។


ឆ្លៀត​ក្នុង​ឱកាស​នៃ​មហាសន្និបាត​នេះ ឯកឧត្តម ហេង ណន រដ្ឋលេខាធិការ​ក្រសួង​សាធារណការ​និង​ដឹកជញ្ជូន បាន​ថ្លែង​សុន្ទរកថា​អំពី​វឌ្ឍនភាព​នៃ​វិស័យ​ដឹកជញ្ជូ​និង​ភស្តុភារ​កម្ម​ក្នុង​ប្រទេស​កម្ពុជា ដោយ​បាន​រំលេច​នូវ​កិច្ចខិតខំប្រឹងប្រែង​ទ្វេ​រ​ដង ក្នុង​ការពង្រឹង​នូវ​ប្រព័ន្ធ​ដឹកជញ្ជូន និង​ភស្តុភារ​កម្ម ដែល​មាន​តួនាទី​យ៉ាង​សំខាន់​ជា​ឆ្អឹង​ខ្នង​នៅក្នុង​ការអភិវឌ្ឍ​ខឿន​សេដ្ឋកិច្ច​ជាតិ ប្រកបដោយ​ប្រសិទ្ធភាព ប្រទាក់​ក្រឡា​គ្នា ព្រមទាំង​បំពេញ​ឱ្យ​គ្នា​ទៅវិញទៅមក​។ មិន​តែ​ប៉ុណ្ណោះ ថែមទាំង​ជួយ​បង្កើត​នូវ​ភាពប្រកួតប្រជែង​, ផលិតភាព​, ទាក់ទាញ​វិនិយោគិន​, បង្កើត​ការងារ​ជូន​ប្រជាពលរដ្ឋ និង​ជួយ​ជំរុញ​ការធ្វើ​សមាហរណកម្ម​កម្ពុជា​ទៅក្នុង​តំបន់ និង​ពិភពលោក​។


នៅក្នុង​អណត្តិ​ទី​៧ ក្រោម​ការដឹកនាំ​របស់ សម្តច​មហា​បវរធិបតី ហ៊ុន ម៉ាណែត នាយក​រដ្ឋមន្រ្តី​នៃ​ព្រះរាជាណាចក្រ​កម្ពុជា ដែល​មាន ឯកឧត្តម ប៉េង ​ពោធិ៍​នា រដ្ឋមន្រ្តី​ក្រសួង​សាធារណការ និង​ដឹកជញ្ជូន បាន​ខិតខំ​ប្រឹងប្រែង​ទ្វេរ​ដង​ថែម​ទៀត ក្នុង​ការអភិវឌ្ឍ ហេដ្ឋារចនាសម្ព័ន្ធ​ដឹកជញ្ជូន និង​ឡូជី​ស្ទីក ជាក់ស្តែង គម្រោង​ហេដ្ឋារចនាសម្ព័ន្ធ​សំខាន់​ដែល​បាន និង​កំពុង​អនុវត្ត រួមមាន៖ ការដាក់​ឱ្យ​ដំណើរការ​ផ្លូវ​ល្បឿន​លឿន​ភ្នំពេញ​-​ព្រះសីហនុ, ការសាងសង់​ផ្លូវ​ល្បឿន​លឿន​ភ្នំពេញ​-​បាវិត​, ការសិក្សា​សមិទ្ធិ​លទ្ធភាព​ផ្លូវ​ល្បឿន​លឿន​ភ្នំពេញ​-​សៀមរាម​, ការដាក់​ឱ្យ​ដំណើរការ​នូវ​អាកាសយានដ្ឋាន​អន្តរជាតិ​សៀមរាប​-​អង្គរ​ថ្មី​, ការសាងសង់​អាកាសយានដ្ឋាន​ថ្មី​ភ្នំពេញ​អន្តរជាតិ (​តេជោ​), ​គម្រោង​សាងសង់​ផ្លូវ​នាវាចរណ៍ «​ព្រែក​ជីក​ហ្វូណន​តេជោ​)​, គម្រោង​មជ្ឈមណ្ឌល​ភស្តុភារ​កម្ម​ភ្នំពេញ​, និង​គម្រោង​មជ្ឈមណ្ឌល​ភស្តុភារ​កម្ម​ក្រុង​ព្រះសីហនុ​។


បន្ថែម​លើ​នេះ​ទៀត ក្រសួង​សាធារណការ និង​ដឹកជញ្ជូន ដោយ​មាន​ការសហការ​ជាមួយ ឧត្តម​ក្រុមប្រឹក្សា​សេដ្ឋកិច្ច​ជាតិ បាន​រៀបចំ​ផែនការ​មេ​គ្រប់​ជ្រុងជ្រោយ​ស្តីពី​ការតភ្ជាប់ ប្រព័ន្ធ​ដឹកជញ្ជូន​អន្តរមធ្យោបាយ និង​ភស្តុភារ​កម្ម​កម្ពុជា ២០២៣​-​២០៣៣ ដោយ​ទទួលបាន​ការអនុម័ត​ជា​ផ្លូវការ​ពី​រាជ​រដ្ឋាភិបាល​នៅ​ខែសីហា ឆ្នាំ​២០២៣ ដែល​បាន​ដាក់ចេញ​នូវ​គម្រោង​ចំនួន​១៧៤ ទាំង​ផ្នែក​រឹង និង​ទន់ ដោយ​ចំណាយ​ថវិកា​ប្រមាណ ៣៦,៦​ប៊ីលាន​ដុល្លារ​សហរដ្ឋ​អាម៉េរិក អនុវត្ត​ក្នុង​រយៈពេល ១០​ឆ្នាំ​។


ជា​ចុងបញ្ចប់ ឯកឧត្តម ហេង ណន រដ្ឋលេខាធិការ ក៏​បាន​ចូលរួម​អបអរសាទរ​ចំពោះ​សមាគម​ភស្តុភារ​កម្ម​កម្ពុជា ដែល​បាន​ធ្វើជា​ម្ចាស់​ផ្ទះ​រៀបចំ មហាសន្និបាត​ប្រចាំ​ឆ្នាំ​លើក​ទី​៣៣ របស់​សហព័ន្ធ​សមាគម​បញ្ជូន​ទំនិញ​អាស៊ាន AFFA (ASEAN Federation of Forwarders Associations) ប្រកបដោយ​ភាពរលូន និង​ជឿជាក់ និង​សូម​ជូនពរ​ឱ្យ​អង្គ​មហាសន្និបាត​នេះ ប្រព្រឹត្តទៅ​ប្រកបដោយ​ភាពជោគជ័យ​។

Photos of Event

large_2023-12-03 09.36.00.jpg

medium_2023-12-03 09.36.00.jpg

small_2023-12-03 09.36.00.jpg

thumbnail_2023-12-03 09.36.00.jpg

2023-12-03 09.36.00.jpg

មហាសន្និបាត​ប្រចាំ​ឆ្នាំ​លើក​ទី​៣៣ របស់​សហព័ន្ធ​សមាគម​បញ្ជូន​ទំនិញ​អាស៊ាន AFFA

The 33rd AFFA Annual Conference and General Meeting (AGM)

ពិធី​ប្រគល់​-​ទទួល​ប្រព័ន្ធ​គ្រប់គ្រង​ការដឹកជញ្ជូន (Transport Management System)

ភ្នំពេញ៖ នា​ព្រឹក​ថ្ងៃព្រហស្បតិ៍​១២​កើត ខែ​អស្សុជ ឆ្នាំ​ថោះ បញ្ចស័ក ព​.ស ២៥៦៧​ត្រូវនឹង​ថ្ងៃទី​២៦ ខែតុលា ​ឆ្នាំ​២០២៣ ឯកឧត្តម ហេង​ ណន រដ្ឋលេខាធិការ តំណាង​ដ៏​ខ្ពង់ខ្ពស់ ឯកឧត្តម ប៉េង ​ពោធិ៍​នា រដ្ឋមន្រ្តី​ក្រសួង​សាធារណការ និង​ដឹកជញ្ជូន បាន​អញ្ជើញ​ជា​អធិបតី​ក្នុង​ពិធី ប្រគល់​-​ទទួល​ប្រព័ន្ធ​គ្រប់គ្រង​ការដឹកជញ្ជូន​(TMS) ក្រោម​ការអនុវត្ត​គម្រោង​ “​រៀបចំ​ផែនការ​មេទំនើបកម្ម​ប្រព័ន្ធ​ភស្តុភារ​កម្ម​កម្ពុជា និង​គម្រោង​អនុវត្ត​សាកល្បង​” ក្រោម​ក្របខណ្ឌ​ជំនួយ​អភិវឌ្ឍន៍​ផ្លូវការ​តាមរយៈ​ក្រសួង​ដែនដី ហេដ្ឋារចនាសម្ព័ន្ធ និង​ដឹកជញ្ជូន នៃ​សាធារណរដ្ឋ​កូរ៉េ​។ ពិធី​ប្រគល់​-​ទទួល នេះ​មាន​ការចូលរួម​ពី​តំណាង​អង្គភាព​ពាក់ព័ន្ធ ក្រោម​ឱវាទ​ក្រសួង​សាធារណការ និង​ដឹកជញ្ជូន គណៈប្រតិភូ​កូរ៉េ និង​តំណាង​វិស័យ​ឯកជន មកពី​សមាគម​ភស្តុភារ​កម្ម​កម្ពុជា​។

គម្រោង “​រៀបចំ​ផែនការ​មេទំនើបកម្ម​ប្រព័ន្ធ​ភស្តុភារ​កម្ម​កម្ពុជា និង​គម្រោង​អនុវត្ត​សាកល្បង​” នៅ​ដំណាក់កាល​ទី​១ បាន​ផ្ដល់​កំណល់​ទ្រ​ទំនិញ (Pallet) ស្ដង់ដារ ចំនួន​ ២០០០ ​មក​ក្រសួង​សាធារណការ និង​ដឹកជញ្ជូន ដើម្បី​ប្រើប្រាស់ និង​ចែកជូន​ទៅ​ភាគី​ពាក់ព័ន្ធ​។ នៅ​ដំណាក់កាល​ទី​២ ខែធ្នូ ឆ្នាំ​២០២២ គម្រោង​បាន​ផ្ដល់​ប្រព័ន្ធ​ផត​ថល​ព័ត៌មាន​ភស្តុភារ​កម្ម​ជាតិ​កម្ពុជា មក​ក្រសួង​សាធារណការ និង​ដឹកជញ្ជូន ដើម្បី​ផ្សព្វផ្សាយ​ព័ត៌មាន​ទាក់ទង​នឹង​វិស័យ​ភស្តុភារ​កម្ម​នៅ​ប្រទេស​កម្ពុជា ជូន​ទៅកាន់​សាធារណជន​។

នា​ថ្ងៃ​នេះ ដំណាក់កាល​ទី​៣ ​គម្រោង​នេះ​បាន​ផ្ដល់ ប្រព័ន្ធ​គ្រប់គ្រង​ការដឹកជញ្ជូន មក ក្រសួង​សាធារណការ និង​ដឹកជញ្ជូន​។ ដោយ​ក្រសួង​សាធារណការ និង​ដឹកជញ្ជូន បាន​យល់ឃើញ​នូវ​សក្ដានពល​នៃ​ប្រព័ន្ធ​គ្រប់គ្រង​ការដឹកជញ្ជូន​ទំនើបកម្ម​ប្រព័ន្ធ​ភស្តុភារ​កម្ម ទើប​ក្រសួង​បាន​ផ្តល់​ជូន​ប្រព័ន្ធ​គ្រប់គ្រង​នេះ​ទៅ​សមាគម​ភស្តុភារ​កម្ម ដើម្បី​ប្រើប្រាស់​ជា​ប្រយោជន៍​ក្នុង​វិស័យ​ឯកជន​។ ប្រព័ន្ធ​គ្រប់គ្រង​ការដឹកជញ្ជូន​ត្រូវបាន​អភិវឌ្ឍន៍​ឡើង​ដើម្បី សម្រួល​ការគ្រប់គ្រង​ខ្សែ​សង្វាក់​ផ្គត់ផ្គង់ ដោយ​សម្របសម្រួល​ដល់​ការទំនាក់ទំនង​រវាង​ក្រុមហ៊ុន​ដឹកជញ្ជូន អ្នកដឹកជញ្ជូន និង​អ្នកទទួល​ទំនិញ​។ លើស​ពី​នេះ ប្រព័ន្ធ​នេះ​មាន​គោលបំណង​ធ្វើឱ្យ​អ្នកប្រតិបត្តិការ​អាច​តាមដាន​រំហូរ​នៃ​ការដឹក ដោយ​ធានា​នូវ​ការដឹកជញ្ជូន​ទាន់​ពេលវេលា និង​ការពេញចិត្ត​ដល់​អតិថិជន​។


Photos

large_395470707_649549180689413_2831842776562734428_n.jpg

medium_395470707_649549180689413_2831842776562734428_n.jpg

small_395470707_649549180689413_2831842776562734428_n.jpg

thumbnail_395470707_649549180689413_2831842776562734428_n.jpg

395470707_649549180689413_2831842776562734428_n.jpg

ពិធី​ប្រគល់​-​ទទួល​ប្រព័ន្ធ​គ្រប់គ្រង​ការដឹកជញ្ជូន (Transport Management System)

Handover Ceremony of Transport Management System (TMS) under ROK ODA

សិក្ខាសាលា​បណ្ដុះបណ្ដាល និង​ការផ្លាស់ប្ដូរ​ទស្សនកិច្ច​សិក្សា ស្ដីពី​ការប្រមូល​ទិន្នន័យ និង​រៀបចំ​ក្របខណ្ឌ​ត្រួតពិនិត្យ និង​វាយតម្លៃ​ភស្តុភារ​កម្ម​ថ្នាក់​ជាតិ ‘‘Development of National Logistics Monitoring and Evaluation Framework and Data Collection’’ នៅ​ប្រទេស​ឡាវ
ថ្ងៃពុធ ៤​កើត ខែ​អស្សុជ ឆ្នាំ​ថោះ បញ្ចស័ក ព​.ស.២៥៦៧ ត្រូវនឹង​ថ្ងៃទី​១៨ ខែតុលា ​ឆ្នាំ​២០២៣​, ឯកឧត្តម ឈៀង ពេជ្រ អគ្គ​នាយក នៃ​អគ្គ​នាយកដ្ឋាន​ភស្ដុភារ​កម្ម បាន​ដឹកនាំ​មន្ត្រី​បច្ចេកទេស និង​ថ្នាក់ដឹកនាំ​នៃ​នាយកដ្ឋាន​ផ្លូវ​ដែក ចូលរួម​សិក្ខាសាលា​បណ្ដុះបណ្ដាល និង​ការផ្លាស់ប្ដូរ​ទស្សនកិច្ច​សិក្សា ដែល​ប្រព្រឹត្តទៅ​នៅ​ថ្ងៃទី​១៨ ដល់​ថ្ងៃទី​២០ តុលា ២០២៣ នៅ​ទីក្រុង​វៀង​ច័ន្ទ ប្រទេស​ឡាវ ដោយ​មាន​ការចូលរួម​ពី​តំណាង​ក្រសួង​សាធារណការ និង​ដឹកជញ្ជូន នៃ​ប្រទេស​ឡាវ តំណាង​ក្រសួង​ផែនការ និង​វិនិយោគ នៃ​ប្រទេស​ឡាវ និង​តំណាង​វិទ្យាស្ថាន​អភិវឌ្ឍន៍ និង​យុទ្ធសាស្ត្រ​ដឹកជញ្ជូន (TDSI)​។
សិក្ខាសាលា​នេះ​មាន​គោលបំណង​សំខាន់​ៗ​ដូច​ជា៖ (​១​) ​ពង្រឹង​សមត្ថភាព​ភាគី​ពាក់ព័ន្ធ​មកពី​ប្រទេស​កម្ពុជា ឡាវ វៀតណាម (CLV Countries) ក្នុង​ការអភិវឌ្ឍ​ប្រព័ន្ធ​ត្រួតពិនិត្យ និង​វាយតម្លៃ​ភស្ដុភារ​កម្ម និង​ឧបករណ៍​នៃ​ការប្រមូល​ទិន្នន័យ (​២​) ចែករំលែក​ចំណេះដឹង និង​ការអនុវត្ត​នៅក្នុង​ប្រទេស CLV Countries និង (​៣​) ផ្លាស់ប្ដូរ​បទពិសោធន៍​នៃ​វិស័យ​ភស្ដុភារ​កម្ម​នៅក្នុង​ប្រទេស​ឡាវ​។
គួរ​បញ្ជាក់​ថា ក្រសួង​សាធារណការ និង​ដឹកជញ្ជូន បាន និង​កំពុង​អនុវត្ត​គម្រោង​បច្ចេកទេស​ស្ដីពី​ការកសាង​សមត្ថភាព និង​ពង្រឹង​ស្ថាប័ន ដើម្បី​រៀបចំ​ក្របខណ្ឌ​ត្រួតពិនិត្យ និង​វាយតម្លៃ​វិស័យ​ភស្តុភារ​កម្ម និង​ទិន្នន័យ​ភស្តុភារ​កម្ម​នៅ​កម្ពុជា និង​កិច្ចសហការ​រវាង​ប្រទេស​កម្ពុជា​-​ឡាវ​-​វៀតណាម ដែល​ទទួលបាន​ការគាំទ្រ​ផ្នែក​ហិរញ្ញវត្តុ​ដោយ​មូលនិធិ​សហប្រតិបត្តិការ​មេគង្គ​-​កូរ៉េ ​តាមរយៈ​វិទ្យាស្ថាន​មេគង្គ ក្នុង​គោលបំណង​ពង្រឹង​សមត្ថភាព និង​កិច្ចសហប្រតិបត្តិការ​លើ​ប្រព័ន្ធ​ព័ត៌មាន និង​ភស្ដុភារកម្ម ក្នុង​ប្រទេស​ CLV Countries​៕


Photos of the Workshop

large_393232028_645685241075807_3823788615038784039_n.jpg

medium_393232028_645685241075807_3823788615038784039_n.jpg

small_393232028_645685241075807_3823788615038784039_n.jpg

thumbnail_393232028_645685241075807_3823788615038784039_n.jpg

393232028_645685241075807_3823788615038784039_n.jpg

សិក្ខាសាលា​បណ្ដុះបណ្ដាល និង​ការផ្លាស់ប្ដូរ​ទស្សនកិច្ច​សិក្សា ស្ដីពី​ការប្រមូល​ទិន្នន័យ និង​រៀបចំ​ក្របខណ្ឌ​ត្រួតពិនិត្យ និង​វាយតម្លៃ​ភស្តុភារ​កម្ម​ថ្នាក់​ជាតិ នៅ​ប្រទេស​ឡាវ

Training Workshop and Exchange Visit on "Development of National Logistics Monitoring and Evaluation Framework and Data Collection"

In Wuhan, People's Republic of China, from October 12 to 31, 2023, Mr. Sor Yilin, Director of Logistics Monitoring and Evaluation of the General Department of Logistics, along with three other official delegations of the Ministry of Public Works and Transport Participate in the seminar on "Ecological Conservation and Green Economic Professionals in Post-epidemic Era" organized by the Government of the People's Republic of China.

large_2023-11-22 10.51.56.jpg

medium_2023-11-22 10.51.56.jpg

small_2023-11-22 10.51.56.jpg

thumbnail_2023-11-22 10.51.56.jpg

2023-11-22 10.51.56.jpg

សិក្ខាសាលាស្តីពី «ការអភិរក្ស បរិស្ថាន និងសេដ្ឋកិច្ចបៃតង (Ecological Conservation and Green Economic Professionals in Post-epidemic Era)»​

Workshop on "Ecological Conservation and Green Economic Professionals in Post-epidemic Era"

ឯកឧត្តម ឈៀង ពេជ្រ អគ្គ​នាយក នៃ​អគ្គ​នាយកដ្ឋាន​ភស្តុភារ​កម្ម ក្រសួង​សាធារណការ និង​ដឹកជញ្ជូន ដឹកនាំ​មន្រ្តី​ជំនាញ​របស់​អគ្គ​នាយកដ្ឋាន​ភស្តុភារ​កម្ម ដើម្បី​ចូលរួម​វគ្គ​បណ្តុះបណ្តាល​រយៈពេល​ខ្លី និង​ទស្សនកិច្ច​សិក្សា​នៅ​ទីតាំង​សំខាន់​ៗ​ពាក់ព័ន្ធ​វិស័យ​ភស្តុភារ​កម្ម​នៅ​សាធារណរដ្ឋ​កូរ៉េ រយៈពេល​៥​ថ្ងៃ​ចាប់ពី​ថ្ងៃទី​១៨ រហូតដល់​ថ្ងៃទី​២២ ខែកក្ត​ដា ឆ្នាំ​២០២៣​។

វគ្គ​បណ្ដុះបណ្ដាល​នេះ​រៀបចំឡើង​ក្នុង​គម្រោង “​ការធ្វើ​ទំនើបកម្ម​ប្រព័ន្ធ​ភស្តុភារ​កម្ម​នៅ​កម្ពុជា និង​ការអនុវត្ត​សាកល្បង​នៃ​ប្រព័ន្ធ​កុំព្យូទ័រ​ក្នុង​វិស័យ​ភស្តុភារ​កម្ម​” ក្រោម​កម្មវិធី​ជំនួយ​អភិវឌ្ឍន៍​ផ្លូវការ​របស់​សាធារណរដ្ឋ​កូរ៉េ (Korea’s ODA) តាមរយៈ ក្រសួង​ដែនដី ហេដ្ឋារចនាសម្ព័ន្ធ និង​ដឹកជញ្ជូន នៃ​សាធារណរដ្ឋ​កូរ៉េ ។

វគ្គ​បណ្តុះបណ្តាល​ខ្លី និង​ទស្សនកិច្ច​សិក្សា​នៅ​សាធារណរដ្ឋ​កូរ៉េ​នេះ មាន​គោលដៅ​សំខាន់​ដូចតទៅ៖​ ទី​១)​. ​ពង្រឹង​សមត្ថភាព និង​ផ្តល់​ចំណេះដឹង​សំខាន់​ៗ​ក្នុង​ការរៀបចំ​ផែនការ និង​វិធីសាស្រ្ត​វិភាគ​ផល​ចំណេញ​នៃ​ការអភិវឌ្ឍ​ហេដ្ឋារចនាសម្ព័ន្ធ​ភស្តុភារ​កម្ម ទី​២​)​. ផ្តល់​ចំណេះដឹង​អំពី​ការធ្វើ​ទំនើបកម្ម​ទិន្នន័យ​ក្នុង​វិស័យ​ភស្តុភារ​កម្ម និង​ទី​៣​).​ការស្វែងយល់​ការអនុវត្ត​ជាក់ស្តែង​នៃ​ការធ្វើ​ទំនើបកម្ម​វិស័យ​ភស្តុភារ​កម្ម​នៅ​សាធារណរដ្ឋ​កូរ៉េ​។

វគ្គ​បណ្ដុះបណ្ដាល​ខ្លី​នេះ ចែក​ជា​ពីរ​វគ្គ វគ្គ​ទី ១ គឺជា​ការសិក្សា​នៅក្នុង​ថ្នាក់​ដែល​មាន​ប្រធានបទ​រួមមាន (​១​) Economic analysis of logistics in ODA projects​, EIRR & FIRR calculation​, (​២​) Logistics automation technology​, (​៣​) Introduction and Implementation of Automation Technology in the Last-Mile Delivery Industry: A case study in Korea​, (​៤​) Transport Management System និង (​៥​) Overview of Air Logistics and Smart Logistics at Airports និង​វគ្គ​ទី ២ គឺ​ការចុះ​ទស្សនកិច្ច​សិក្សា​នៅ (​១​) Korean Superfreeze , (​២​) Yeosu-Gwangyang Port Authority exhibition hall​, (​៣​) Busan Port Authority exhibition hall​, និង Busan-Jinhae Free Economic Zone Authority exhibition hall ។

គួរ​បញ្ជាក់​ថា វគ្គ​បណ្ដុះបណ្ដាល​នេះ​ក៏​មាន​ការចូលរួម​ពី​វិស័យ​ឯកជន ដែល​ជា​ភ្នាក់ងារ​អនុវត្ត​ប្រព័ន្ធ​សាកល្បង (Pilot Project) សម្រាប់​ការធ្វើ​ទំនើបកម្ម​ក្នុង​វិស័យ​ភស្តុភារ​កម្ម​។

ជា​ចុងក្រោយ ឯកឧត្តម​អគ្គ​នាយក ឈៀង ពេជ្រ ក៏​បាន​ថ្លែង​ណែនាំ​ដល់​សិក្ខាកាម​ចូលរួម​ទាំងអស់​ទាំង​មន្រ្តី​រាជការ និង​បុគ្គលិក​វិស័យ​ឯកជន​យកចិត្តទុកដាក់​ក្នុង​ការសិក្សា និង​យក​ចំណេះដឹង​ទៅ​អនុវត្ត​នៅក្នុង​ការងារ​ប្រចាំ​ថ្ងៃ​របស់​ខ្លួន !


large_photo_2023-10-02_10-24-09.jpg

medium_photo_2023-10-02_10-24-09.jpg

small_photo_2023-10-02_10-24-09.jpg

thumbnail_photo_2023-10-02_10-24-09.jpg

photo_2023-10-02_10-24-09.jpg

សិក្ខាសាលា​កសាង​សមត្ថភាព​ក្រោម​គម្រោង “​ផែនការ​មេ​នៃ​ទំនើបកម្ម​ប្រព័ន្ធ​ភស្តុភារ​កម្ពុជា និង​គម្រោង​សាកល្បង​ប្រព័ន្ធ​កុំព្យូទ័រ​ភស្តុភារ​” នៅ​សាធារណរដ្ឋ​កូរ៉េ

Capacity Building under ODA Project “Cambodia Master Plan of Logistics System Modernization and Pilot Project of Logistics Computer System” in Republic of Korea

General Department Of Logistics

Secretariat of National Logistics Steering Committee