គម្រោងពង្រឹងប្រព័ន្ធគ្រប់គ្រងកំពង់ផែ (ដំណាក់កាលទី១) (P31-S2)
គម្រោងនេះមានគោលបំណងសម្រួលក្នុងការប្រមូល និងចែករំលែកព័ត៌មានទាក់ទងនឹងកំពង់ផែ និងចំណត រវាងអ្នកប្រើប្រាស់សេវា និងកំពង់ផែស្វយ័តក្រុងព្រះសីហនុ។ ត្រូវបានរំពឹងថានឹងកាត់បន្ថយការកកស្ទះតំបន់កំពង់ផែ ដែលនឹងរួមចំណែកដល់ការគ្រប់គ្រងព្រំដែនយ៉ាងរលូន។ លើសពីនេះគម្រោងនេះ ត្រូវបានគេរំពឹងថានឹងផ្តល់ការគាំទ្រដល់ការពង្រីកសេវាកម្មពាណិជ្ជកម្មនិងសេវាកម្មទំនិញ។
គម្រោងនេះ មានគោលបំណងធ្វើឱ្យប្រសើរឡើងនូវប្រព័ន្ធគ្រប់គ្រងកំពង់ផែ ហៅថាប្រព័ន្ធគ្រប់គ្រងចំណតកុងតឺន័រ (CTMS) និងប្រព័ន្ធបញ្ជរតែមួយ (SWS) នៃកំពង់ផែស្វយ័តក្រុងព្រះសីហនុ។
គម្រោងត្រូវបានអនុវត្តដោយកំពង់ផែស្វយ័តក្រុងព្រះសីហនុ ដោយប្រើប្រាស់ថវិកា ក.ស.ស.។ សរុបមកគម្រោងនេះ នឹងមានអត្ថប្រយោជន៍សេដ្ឋកិច្ច៖ (១) ការកាត់បន្ថយការកកស្ទះកំពង់ផែនិងតំបន់ជុំវិញ, (២) ការភ្ជាប់ CTMS ទៅនឹងប្រព័ន្ធ Pre-Gate system របស់ផែស្ងួត និងសម្រួលការកកស្ទះកំពង់ផែ, និង (៣) ការធ្វើកុំព្យូទ័រភាវូបនីយកម្មលើប្រព័ន្ធទូរទាត់ប្រាក់។ ជាងនេះទៅទៀត គម្រោងនេះនឹងជួយបង្កើនការប្រកួតប្រជែងក្នុងវិស័យភ័ស្ដុភារកម្មរបស់កម្ពុជា។
បច្ចុប្បន្ន គម្រោងពង្រឹងប្រព័ន្ធគ្រប់គ្រងកំពង់ផែកំពុងដំណើរការ សម្រេចបាន ៧០% ដោយមានវឌ្ឍនភាពដូចខាងក្រោម៖
- ការតភ្ជាប់ប្រព័ន្ធគ្រប់គ្រងចំណតកុងតឺន័រ (Container Terminal Management System - CTMS) ទៅក្រុមហ៊ុនដឹកជញ្ជូនសម្រេចបាន ២០% និងប្រតិបត្តិករផែស្ងួត ដែលនាំឱ្យមានភាពងាយស្រួលក្នុងការផ្លាស់ប្តូរព័ត៌មានអំពីរថយន្ត និងកុងតឺន័រជាមួយ ក.ស.ស. សម្រេចបាន ៧០%។
- ការតភ្ជាប់ជាមួយ Pre-gate System របស់ផែស្ងួត និងការគ្រប់គ្រងចេញចូលនៃរថយន្តទៅក្នុងតំបន់ផែសម្រេចបាន ៩០%។
- បង្កើតប្រព័ន្ធសម្រាប់ការទូទាត់ថ្លៃកំពង់ផែ និងការគិតថ្លៃ និងភ្ជាប់គ្នាទៅវិញទៅមក ដើម្បីផ្លាស់ប្តូរព័ត៌មានចាំបាច់ សម្រាប់ប្រតិបត្តិការកំពង់ផែ និងការគ្រប់គ្រងកំពង់ផែ សម្រេចបាន ១០០% ។