- ទំព័រដើម /
- អំពីយើង /
- អគ្គនាយកដ្ឋានភស្តុភារកម្ម /
- នាយកដ្ឋានព័ត៌មានភស្តុភារកម្ម
នាយកដ្ឋានព័ត៌មានភស្តុភារកម្ម
នាយកដ្ឋានព័ត៌មានភស្តុភារកម្ម ស្ថិតនៅក្រោមការគ្រប់គ្រង និងដឹកនាំផ្ទាល់របស់អគ្គនាយកដ្ឋាន ភស្តុភារកម្ម ហើយដែលមានភារកិច្ចដូចមានចែងក្នុងមាត្រា៣៩ នៃអនុក្រឹត្យលេខ ២១៦ អនក្រ.បក ចុះថ្ងៃទី១៣ ខែតុលា ឆ្នាំ២០១៦ ស្តីពីការរៀបចំ និងការប្រព្រឹត្តទៅរបស់ក្រសួងសាធារណការ និងដឹកជញ្ជូន ដូចតទៅ៖
- ប្រមូលផ្តុំទិន្នន័យភស្តុភារកម្មលើទីផ្សារជាតិ និងអន្តរជាតិ
- សិក្សាស្រាវជ្រាវ និងវិភាគលើទិន្នន័យភស្តុភារកម្ម
- បូកសរុប និងផ្សព្វផ្សាយទិន្នន័យភស្តុភារកម្ម
- ប្រើប្រាស់ទិន្នន័យភស្តុភារកម្មជាមូលដ្ឋានក្នុងការដាក់ចេញនូវ គោលនយោបាយភស្តុភារកម្មថ្នាក់ជាតិ
- ស្រាវជ្រាវបច្ចេកវិទ្យាថ្មីៗ ក្នុងគោលបំណងលើកកំពស់ពហុវិស័យដឹកជញ្ជូន ពហុគំរូក្នុងវិស័យដឹកជញ្ជូន និងភស្តុភារកម្ម
- ចងក្រង និងតម្កល់ឯកសារនានាដែលពាក់ព័ន្ធនឹងវិស័យដឹកជញ្ជូន និងភស្តុភារកម្ម
- ចងក្រង និងផ្សព្វផ្សាយព័ត៌មាន បែបបទ នីតិវិធី តម្លៃ និងឯកសារនានាដែលពាក់ព័ន្ធនឹងពហុវិស័យដឹកជញ្ជូន និងភស្តុភារកម្មក្នុង និងក្រៅប្រទេស
- រៀបចំកម្មវិធីសិក្សា និងវគ្គបណ្តុះបណ្តាលជំនាញភស្តុភារកម្ម
- ជំរុញការអនុម័តកិច្ចព្រមព្រៀងនានាដែលទាក់ទងនឹងជំនាញដឹកជញ្ជូន និងភស្តុភារកម្ម
- ធ្វើជាដៃគូជាមួយស្ថាប័នស្រាវជ្រាវ និងបណ្ឌិតសភាខាងផ្នែកភស្តុភារកម្ម
- សម្របសម្រួលរៀបចំកិច្ចប្រជុំពិគ្រោះយោបល់ ជាមួយអ្នកពាក់ព័ន្ធក្នុងវិស័យឯកជន ក្នុងការតាមដាន និងគ្រប់គ្រងការអភិវឌ្ឍឧស្សហកម្មភស្តុភារកម្ម
- ទំនាក់ទំនង និងសហការជិតស្និទ្ធជាមួយមជ្ឈមណ្ឌលព័ត៌មានដឹកជញ្ជូន និងភស្តុភារកម្មនានា ទាំងក្នុង និងក្រៅប្រទេស ជាពិសេសជាមួយបណ្តាប្រទេសក្នុងសមាគមអាស៊ានសំដៅប្រមូល ព័ត៌មាន និងចងជាសម្ព័ន្ធភាព
- ធ្វើរបាយការណ៍ស្តីពីសកម្មភាពការងារតាមកាលកំណត់ជូនថ្នាក់ដឹកនាំក្រសួង
- បំពេញភារកិច្ចផ្សេងទៀត ដែលថ្នាក់ដឹកនាំប្រគល់ជូន។
