គម្រោងកែលម្អនីតិវិធីបញ្ចេញទំនិញតាមព្រំដែន (ដំណាក់កាលទី១) (P32-S1)
គម្រោងនេះ មានគោលបំណងសម្រួលនីតិវិធី និងវិធានការបញ្ចេញទំនិញ ដើម្បីជួយសម្រួលដល់ការធ្វើពាណិជ្ជកម្ម និងកាត់បន្ថយចំណាយលើការធ្វើពាណិជ្ជកម្មតាមរយៈការបន្តជំរុញឱ្យក្រសួង-ស្ថាប័នពាក់ព័ន្ធសំខាន់ៗចូលរួមអនុវត្តប្រព័ន្ធបញ្ជរតែមួយជាតិ (National Single Window)។ គម្រោងត្រូវបានអនុវត្តដោយអគ្គនាយកដ្ឋានគយ និងរដ្ឋាករកម្ពុជា និងស្ថាប័នពាក់ព័ន្ធ ដោយប្រើប្រាស់ថវិកាជាតិ។ សរុបមក គម្រោងនេះនឹងមានអត្ថប្រយោជន៍សេដ្ឋកិច្ច រួមមាន៖ (១) ដំណើរការប្រព័ន្ធនីតិវិធីប្រតិវេទន៍តាមប្រព័ន្ធកុំព្យូទ័រ ដោយមិនប្រើប្រាស់ក្រដាស, (២) ការធ្វើទំនើបកម្មប្រព័ន្ធនីតិវិធីប្រតិវេទន៍ នឹងរួមចំណែកដល់ការគ្រប់គ្រងនីតិវិធីប្រតិវេទន៍បានយ៉ាងប្រសើរ និង (៣) មានការទាក់ទាញ ការវិនិយោគនិងពាណិជ្ជកម្ម។ បច្ចុប្បន្ន វឌ្ឍនភាពគម្រោងសម្រេចបាន ១០០%។ ជាក់ស្តែងសកម្មភាពគោល ស្ថិតក្រោមគម្រោងនេះ មានការអនុវត្តប្រព័ន្ធបញ្ជរតែមួយជាតិដំណាក់កាលទី២ (នីតិវិធីចេញអាជ្ញាប័ណ្ណ លិខិតអនុញ្ញាត វិញ្ញាបនបត្រ និងលិខិតផ្សេងៗទៀតតាមទម្រង់អេឡិចត្រូនិក) ដែលចូលរួមដោយក្រសួង-ស្ថាប័នចំនួន៦។