ការកសាងសមត្ថភាព និងស្ថាប័នសម្រាប់មន្រ្ដីគយ និងជើងសារគយ (P33-S2)
គម្រោងនេះមានគោលបំណងពង្រឹងសមត្ថភាព និងចំណេះដឹងដល់មន្រ្តីគយនិងរដ្ឋាករ និងជើងសារគយ។ គម្រោងត្រូវបានអនុវត្តដោយអគ្គនាយកដ្ឋានគយ និងរដ្ឋាករកម្ពុជា ដោយប្រើប្រាស់ថវិកាជាតិដែលនឹងផ្តល់អត្ថប្រយោជន៍រួមមាន៖ ការធ្វើប្រតិវេទន៍ច្បាស់លាស់នឹងកាត់បន្ថយពេលវេលារង់ចាំ និងការបណ្តុះបណ្តាលគ្រូបង្គោលដែលមានជំនាញច្បាស់លាស់នឹងរួមចំណែកដល់ការបណ្តុះបណ្តាលជាបន្តបន្ទាប់ដល់មន្ត្រីគយ និងជើងសារគយ។
បច្ចុប្បន្ន គម្រោងនេះកំពុងដំណើរការ ដោយសម្រេចបាន ១០% ដោយផ្តោតសំខាន់ទៅលើការរៀបចំវគ្គបណ្តុះបណ្តាលមន្ត្រីគយ និងរដ្ឋាករ និងជើងសារគយ និងអ្នកផ្តល់សេវាភ័ស្តុភារកម្ម។
គួរឱ្យកត់សម្គាល់ផងដែរថា ការបណ្តុះបណ្តាលមន្ត្រីគយ និងអ្នកពាក់ព័ន្ធដែលមានសមត្ថកិច្ច (ជាពិសេសជើងសារគយ) លើនីតិវិធីគយ និងការងារបច្ចេកទេសគយ ត្រូវបានរៀបចំឡើងជារៀងរាល់ឆ្នាំ ស្របតាមផែនការសកម្មភាពប្រចាំឆ្នាំរបស់អគ្គនាយកដ្ឋានគយ និងរដ្ឋាករកម្ពុជា។