គម្រោងកែលម្អបរិយាកាសការងារ (P34-S1)
អគ្គនាយកដ្ឋានគយ និងរដ្ឋាករកម្ពុជា ជាអ្នកអនុវត្តគម្រោងនេះ ដោយមានគោលបំណងធ្វើឱ្យប្រសើរឡើងនូវបរិយាកាសការងារទាំងស្ថាប័នរដ្ឋាភិបាល និងវិស័យឯកជន ដើម្បីលុបបំបាត់ការចំណាយមិនចាំបាច់ ដោយបង្កើតមូលនិធិសុខុមាលភាព (សម្រាប់មន្ត្រីរាជការដែលបំពេញការងារបន្ថែមម៉ោង)។ សកម្មភាពគោលនៃគម្រោង រួមមាន៖ (១) ការរៀបចំប្រព័ន្ធមូលនិធិសុខុមាលភាព, (២) អនុវត្តបញ្ជរទទួលឯកសារនិងបែងចែកការិយាល័យចេញពីកន្លែងរង់ចាំ និងដំឡើងកាម៉េរាសុវត្ថិភាព (CCTV) និង (៣) អនុវត្តគោលនយោបាយ “ផ្តល់ច្បាប់ដើមតាមក្រោយ”។
បច្ចុប្បន្ន គម្រោងនេះបានអនុវត្តសម្រេចបាន (១០០%) ដោយមានវឌ្ឍនភាពដូចខាងក្រោម៖
- មិនមានគម្រោងប្រព័ន្ធមូលនិធិសុខុមាលភាព តែបានអនុវត្តតាមច្បាប់ស្តីពីសហលក្ខន្តិកៈមន្ត្រីរាជការស៊ីវិល និងក្រមសីលធម៌ និងកិរិយាមាយាទមន្ត្រីរាជការគយនិងរដ្ឋាករកម្ពុជា
- បានដាក់ឱ្យអនុវត្តនីតិវិធីបញ្ចេញទំនិញពីគយតាមមធ្យោបាយអេឡិចត្រូនិក តាមប្រព័ន្ធស្វ័យប្រវត្តិកម្មទិន្នន័យគយ (អាស៊ីគូដា - ASYCUDA) ពេញលេញគ្រប់មាត់ច្រកបំពេញបែបបទគយទាំងអស់។ តាមរយៈប្រព័ន្ធនេះ អ្នកនាំចូល-នាំចេញ ឬជើងសាគយអាចដាក់ឯកសារពីក្រុមហ៊ុនរបស់ខ្លួន ឬបន្ទប់កុំព្យូទ័រដែលបានរៀបចំដោយឡែក ឬទីកន្លែងដែលមានសេវាអ៊ីនធើណែត សម្រចបាន ១០០%
- បានអនុវត្តការទទួលយកឯកសារថតចម្លងតាមប្រព័ន្ធអេឡិចត្រូនិក ហើយឯកសារចាំបាច់សម្រាប់ការធ្វើសវនកម្មតាមច្បាប់ជាធរមានអាចដាក់ជូនតាមក្រោយ សម្រចបាន ១០០%