ការអភិវឌ្ឍក្របខ័ណ្ឌគិតយុត្ដស្ដីពីផ្លូវដែក (P52-S1)
គម្រោងនេះ មានគោលបំណងពង្រឹងក្របខ័ណ្ឌគតិយុត្ដិស្តីពីផ្លូវដែកនៅកម្ពុជា សម្រាប់ការបង្កើនសុវត្ថិភាព និងប្រតិបត្តិការផ្លូវដែក។
គម្រោងត្រូវបានអនុវត្តដោយនាយកដ្ឋានផ្លូវដែក ដែលផ្តល់នូវអត្ថប្រយោជន៍រួមមាន៖ (១) ការដឹកជញ្ជូនប្រកបដោយសុវត្ថិភាព និងទាន់ពេលវេលា តាមផ្លូវដែកដែលនឹងផ្តល់ឱ្យឧស្សាហកម្មនូវជម្រើសក្នុងការប្រើប្រាស់ការដឹកជញ្ជូនផ្លូវដែកញឹកញាប់ជាងមុន, (២) បទដ្ឋានផ្លូវដែក និងសៀវភៅណែនាំប្រតិបត្តិការច្បាស់លាស់ នឹងនាំឱ្យមានការកាត់បន្ថយថ្លៃចំណាយលើផ្លូវដែក ដែលនឹងធ្វើឱ្យមានការថយចុះការចំណាយទៅលើការថែទាំជួសជុល, (៣) ការកាត់បន្ថយឧបសគ្គសម្រាប់ប្រតិបត្តិករឯកជន និងការបង្កើនការចូលរួមរបស់វិស័យឯកជនក្នុងវិស័យផ្លូវដែក, និង (៤) ប្រតិបត្តិការផ្លូវដែកឆ្លងកាត់ព្រំដែននឹងត្រូវបានពន្លឿន។
បច្ចុប្បន្ន គម្រោងនេះកំពុងដំណើរការសម្រេចបាន ៥០% ដោយមានវឌ្ឍនភាពដូចខាងក្រោម៖
- ការពិនិត្យ និងកែសម្រួលកិច្ចព្រមព្រៀងសម្បទានផ្លូវដែក សម្រេចបាន ៨០%
- ការធ្វើបច្ចុប្បន្នភាព និងអនុម័តច្បាប់ស្តីពីផ្លូវដែក សម្រេចបាន ៣០%
- ការអភិវឌ្ឍលិខិតបទដ្ឋានគតិយុត្តស្តីពីផ្លូវដែក ស្តង់ដារបច្ចេកទេស និងសៀវភៅណែនាំអនុវត្ត សម្រេចបាន ៧០%
- ការអនុវត្តកិច្ចព្រមព្រៀងស្តីពីផ្លូវដែកឆ្លងកាត់ព្រំដែន សម្រេចបាន ៨០%
- សេចក្តីព្រាងអនុក្រឹត្យស្តីពីការគ្រប់គ្រងផ្លូវឆ្លងកាត់ និងដីចំណីផ្លូវដែក( ៦០%)