ការអភិវឌ្ឍក្របខ័ណ្ឌគតិយុត្ដពាក់ព័ន្ធនឹងវិស័យដឹកជញ្ជូនតាមផ្លូវទឹក និងកំពង់ផែ (P52-S2)
ការអភិវឌ្ឍក្របខ័ណ្ឌគតិយុត្តពាក់ព័ន្ធនឹងវិស័យដឹកជញ្ជូនតាមផ្លូវទឹក និងកំពង់ផែ គឺជាការចាំបាច់ ដើម្បីកំណត់ និងបំពេញតាមបទដ្ឋានអន្តរជាតិ សម្រាប់ប្រតិបត្តិការប្រកបដោយសុវត្ថិភាព និងប្រសិទ្ធភាព ដែលនឹងគាំទ្រដល់ការលើកកម្ពស់វិស័យភ័ស្តុភារកម្មរបស់ប្រទេស។ សមាសធាតុសំខាន់ៗនៃគម្រោងរួមមាន៖
- ការអនុម័តសេចក្តីព្រាងច្បាប់ស្ដីពីការដឹកជញ្ជូនតាមផ្លូវទឹក និងកំពង់ផែ
- ការអនុម័តលិខិតបទដ្ឋានគតិយុត្តពាក់ព័ន្ធនឹងវិស័យដឹកជញ្ជូនតាមផ្លូវទឹក និងកំពង់ផែ និងការពង្រឹងក្របខ័ណ្ឌគតិយុត្ដិដែលមានស្រាប់។
គម្រោងត្រូវបានអនុវត្តដោយ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ដោយប្រើប្រាស់ថវិកាជាតិ ដែលនឹងផ្តល់នូវអត្ថប្រយោជន៍សេដ្ឋកិច្ច រួមមាន៖ (១) បទដ្ឋានច្បាស់លាស់ និងសៀវភៅណែនាំប្រតិបត្តិការកម្រិតអន្តរជាតិ នឹងនាំឱ្យប្រតិបត្តិការមានសុវត្ថិភាព និងអាចជឿទុកចិត្តបាន, (២) ការកាត់បន្ថយឧបសគ្គសម្រាប់ប្រតិបត្តិករឯកជន និងការបង្កើនការចូលរួមរបស់វិស័យឯកជន, និង (៣) ប្រតិបត្តិការឆ្លងកាត់ព្រំដែនតាមផ្លូវទឹក និងផ្លូវសមុទ្រ នឹងត្រូវបានពន្លឿន។
បច្ចុប្បន្ន គម្រោងនេះកំពុងដំណើរការសម្រេចបាន ៥០% ដោយមានវឌ្ឍនភាពដូចខាងក្រោម៖
- កំពុងរៀបចំសេចក្តីព្រាងច្បាប់ស្ដីពីការដឹកជញ្ជូនតាមផ្លូវទឹក និងកំពង់ផែ សម្រេចបាន ៥0%
- កំពុងរៀបចំលិខិតបទដ្ឋានគតិយុត្តពាក់ព័ន្ធនឹងវិស័យដឹកជញ្ជូនតាមផ្លូវទឹក និងកំពង់ផែ សម្រេចបាន ៣០%។
គម្រោងនេះ ក៏មានជួបនូវបញ្ហាប្រឈម រួមមាន កង្វះខាតបច្ចេកទេស និងតម្រូវការរយៈពេលសិក្សាបន្ថែម។