កិច្ចសន្ទនាគោលនយោបាយពហុភាគីស្តីពីការផ្តល់អំណាចដល់អាស៊ានសម្រាប់សេដ្ឋកិច្ចតាមបែបសន្សំសំចៃទំនើប
១៧ មិថុនា ២០២២
រាជធានីភ្នំពេញ ទីស្តីការក្រសួង៖ ថ្ងៃសុក្រ ៣រោច ខែជេស្ធ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែមិថុនា ឆ្នាំ២០២២ នៅទីស្ដីការក្រសួង ឯកឧត្ដម ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្ម និងជាប្រធានឧត្តមមន្ត្រីដឹកជញ្ជូនកម្ពុជា បានដឹកនាំគណៈប្រតិភូក្រសួងសាធារណការ និងដឹកជញ្ជូន និងក្រសួងពាក់ព័ន្ធ ចូលរួមកិច្ចសន្ទនាគោលនយោបាយ ពហុភាគីស្តីពីការផ្តល់អំណាចដល់អាស៊ានសម្រាប់សេដ្ឋកិច្ចតាមបែបសន្សំសំចៃទំនើប (Multi-Stakeholder Policy Dialogue on Empowering ASEAN for Circular Economy) ។ កិច្ចសន្ទនាគោលនយោបាយពហុភាគីនេះ ត្រូវបានរៀបចំឡើងក្នុងគោលបំណងសំខាន់ៗរួមមាន៖
១) ណែនាំក្របខណ្ឌសម្រាប់សេដ្ឋកិច្ចតាមបែបសន្សំសំចៃទំនើបសម្រាប់សហគមន៍សេដ្ឋកិច្ចអាស៊ាន និងផ្តល់នូវទិដ្ឋភាពទូទៅនៃកម្លាំងជំរុញដ៏សំខាន់លើសេដ្ឋកិច្ចតាមបែបសន្សំសំចៃទំនើប
២) ពិនិត្យឡើងវិញកត្តាគោលនយោបាយដែលនាំភាពជោគជ័យ និងជួយសម្រួលដល់ការចូលរួមរបស់វិស័យឯកជននៅក្នុង សេដ្ឋកិច្ចតាមបែបសន្សំសំចៃទំនើប ជាពិសេសសម្រាប់វិស័យកសិកម្ម ថាមពល និងវិស័យដឹកជញ្ជូន
៣) បង្កើតលក្ខខណ្ឌក្របខ័ណ្ឌសម្រាប់ភាពជាដៃគូសាធារណៈ និងឯកជនដែលនឹងពន្លឿនកិច្ចខិតខំ ប្រឹងប្រែងក្នុងតំបន់ឆ្ពោះទៅរកសេដ្ឋកិច្ចតាមបែបសន្សំសំចៃទំនើបប្រកបដោយប្រសិទ្ធភាព៕
