គម្រោងបំបាត់បញ្ហារាំងស្ទះខ្សែតភ្ជាប់រវាងច្រករបៀងការកែលម្អផ្លូវជាតិលេខ៤ និងផ្លូវល្បឿនលឿនភ្នំពេញ-ព្រះសីហនុ (P11-S2)
គម្រោងនេះ រួមមានការបំបាត់បញ្ហារាំងស្ទះខ្សែតភ្ជាប់ច្រករបៀង (ក្រុងព្រះសីហនុ-ភ្នំពេញ) ដោយមានធាតុសំខាន់ៗ រួមមាន៖ (១) ការកែលម្អផ្លូវជាតិលេខ៤ និង (២) ការអភិវឌ្ឍផ្លូវល្បឿនលឿនភ្នំពេញ-ក្រុងព្រះសីហនុ។ គម្រោងត្រូវបានអនុវត្តដោយអគ្គនាយកដ្ឋានសាធារណការ ដោយគម្រោងកែលម្អផ្លូវជាតិលេខ៤ ទទួលបានការគាំទ្រផ្នែកហិរញ្ញវត្ថុ ដោយធនាគារពិភពលោក និងគម្រោងអភិវឌ្ឍន៍ផ្លូវល្បឿនលឿនភ្នំពេញ-ក្រុងព្រះសីហនុ ទទួលបានការគាំទ្រផ្នែកហិរញ្ញវត្ថុ ដោយសាធារណរដ្ឋប្រជាមានិតចិន។ ជារួម គម្រោងបំបាត់បញ្ហារាំងស្ទះខ្សែតភ្ជាប់រវាងច្រករបៀងការកែលម្អផ្លូវជាតិលេខ៤ និងផ្លូវល្បឿនលឿន ភ្នំពេញ-ព្រះសីហនុ (P11-S2) កំពុងដំណើរការ និងសម្រេចបាន ៣២,៦៥%។ គម្រោងនេះ ក៏មានជួបនូវបញ្ហាប្រឈមក្នុងការអនុវត្តផងដែរ ស្ថានភាពក្នុងអំឡុងពេលនៃការរីករាលដាលនៃជំងឺកូវីដ-១៩។