- ទំព័រដើម /
- អំពីយើង /
- អគ្គនាយកដ្ឋានភស្តុភារកម្ម /
- នាយកដ្ឋានភស្តុភារកម្ម
នាយកដ្ឋានភស្តុភារកម្ម
នាយកដ្ឋានភស្តុភារកម្ម ស្ថិតនៅក្រោមការគ្រប់គ្រង និងដឹកនាំផ្ទាល់របស់អគ្គនាយកដ្ឋានភស្តុភារ កម្ម ហើយដែលមានភារកិច្ចដូចមានចែងក្នុងមាត្រា៤០ នៃអនុក្រឹត្យលេខ ២១៦ អនក្រ.បក ចុះថ្ងៃទី១៣ ខែតុលា ឆ្នាំ២០១៦ ស្តីពីការរៀបចំ និងការប្រព្រឹត្តទៅរបស់ក្រសួងសាធារណការ និងដឹកជញ្ជូន ដូចតទៅ៖
- រៀបចំគោលនយោបាយភស្តុភារកម្មថ្នាក់ជាតិ
- រៀបចំយុទ្ធសាស្ត្រតភ្ជាប់ហេដ្ឋារចនាសម្ព័ន្ធភស្តុភារកម្មផ្នែករឹង និងទន់ ក្នុងប្រព័ន្ធសេវាពហ្មដឹកជញ្ជូនបម្រើសេវាភស្តុភារកម្ម សម្រួលការតភ្ជាប់លំហូរនៃទំនិញគ្រប់ប្រភេទក្នុងប្រព័ន្ធភស្តុភារកម្ម
- រៀបចំលិខិតបទដ្ឋានគតិយុត្តនៃវិស័យភស្តុភារកម្ម
- រៀបចំផែនការភស្តុភារកម្ម
- រៀបចំផែនការអភិវឌ្ឍន៍ធនធានមនុស្សលើវិស័យភស្តុភារកម្ម
- បំពេញភារកិច្ចជាលេខាធិការដ្ឋាន នៃក្រុមប្រឹក្សាជាតិភស្តុភារកម្ម និងគណៈកម្មការជាតិភស្តុភារកម្ម
- ជាស្ថាប័នបង្គោលនៅក្នុងក្រុមការងារវិស័យភស្តុភារកម្ម និងសេវាដឹកជញ្ជូន
- សម្របសម្រួលក្នុងការប្រមូលធាតុចូលនានា ខាងផ្នែកសេវាភស្តុភារកម្ម ដែលទាក់ទងទៅនឹងកិច្ចព្រមព្រៀងក្របខ័ណ្ឌក្នុងផ្នែកសេវាកម្មរបស់អាស៊ាន និងកិច្ចព្រមព្រៀងពាណិជ្ជកម្ម សេវាកម្មរបស់អាស៊ាន និងកិច្ចព្រមព្រៀងពាណិជ្ជកម្មសេរីដទៃទៀត -សហការជាមួយស្ថាប័នពាក់ព័ន្ធ ក្នុងការរៀបចំគោលនយោបាយ យុទ្ធសាស្រ្ត ផែនការអភិវឌ្ឍប្រព័ន្ធភស្តុភារកម្ម និងគ្រប់គ្រងហេដ្ឋារចនាសម្ព័ន្ធភស្តុភារកម្ម
- សហការ និងសម្របសម្រួលជាមួយក្រសួងស្ថាប័នពាក់ព័ន្ធជាមួយដៃគូអភិវឌ្ឍន៍ និងវិស័យ ឯកជន ក្នុងការរៀបចំគោលនយោបាយជាតិ យុទ្ធសាស្រ្ត ផែនការមេ ក្នុងគោលបំណងលើក កម្ពស់វិស័យដឹកជញ្ជូន និងភស្តុភារកម្មនៃព្រះរាជាណាច័ក្រកម្ពុជា ដើម្បីដាក់ជូនក្រុមប្រឹក្សាជាតិ ភស្តុភារកម្ម
- សហការ និងសម្របសម្រួលជាមួយក្រសួងស្ថាប័នពាក់ព័ន្ធ ជាមួយដៃគូអភិវឌ្ឍន៍ និងវិស័យ ឯកជន ដើម្បីលើកកម្ពស់ការងារដឹកជញ្ជូនឆ្លងកាត់ ក្នុងតំបន់ និងក្នុងពិភពលោក
- អនុវត្តគោលនយោបាយ យុទ្ធសាស្ត្រ និងផែនការនានា ក្នុងវិស័យដឹកជញ្ជូន និងភស្តុភារកម្ម
- សហការជាមួយស្ថាប័នពាក់ព័ន្ធ ក្នុងការលើកគម្រោងសាងសង់ហេដ្ឋារចនាសម្ព័ន្ធភស្តុភារកម្មសម្រាប់ក្នុងស្រុក និងអន្តរជាតិ
- សហការជាមួយស្ថាប័នពាក់ព័ន្ធ ក្នុងការកៀងគរជំនួយហិរញ្ញវត្ថុដែលទាក់ទងនឹងពហុគំរូក្នុងវិស័យដឹកជញ្ជូន និងភស្តុភារកម្មពីដៃគូអភិវឌ្ឍន៍ក្នុង និងក្រៅប្រទេស ព្រមទាំងដៃគូអភិវឌ្ឍន៍ថ្មីៗ
- ធ្វើរបាយការណ៍ស្តីពីសកម្មភាពការងារតាមកាលកំណត់ជូនថ្នាក់ដឹកនាំក្រសួង
- បំពេញភារកិច្ចផ្សេងទៀត ដែលថ្នាក់ដឹកនាំប្រគល់ជូន។
